Conoce Uharte Ezagutu web-orrialdearen buruzko hausnarketa

Sorry, this entry is only available in Basque and European Spanish. For the sake of viewer convenience, the content is shown below in this site’s default language. You may click one of the links to switch the site language to another available language.

Aurten hausnarketa-prozesu bat hasi dugu Conoce Uharte Ezagutu webgunearen inguruan. Zortzi urte bete dira jada, eta balantzea egin eta etorkizunari begira jarri gara.

Nola hasi zen dena.
2011n, Uharteko Baliabideen Gida egin zen, kulturartekotasun-batzordeak bultzatuta, dokumentu bakar batean biltzeko Uhartera bizitzera (jatorria edozein izanda ere) etorri berri diren pertsonentzako informazio erabilgarria.
Bestalde, herriaren bizitza soziokultural eta kirol bizitza bizia islatuko zuen espazio bat aurkitzeko beharra ikusten zen.
Helburu horrekin, 2012an LipDuba grabatu genuen, Uharteko elkarte-sarearen indarra erakusten zuen bideo bat, eta gaur egun 39 mila pertsonak baino gehiagok ikusi dute. Orduan, gure gizarte-bizitzaren erakusleiho izango zen webgune bat egiteko aukera planteatu zen, bai eta parte hartzeko gonbidapena ere, integrazio-tresna gisa.
Horrekin guztiarekin, 2013an Conoce Uharte Ezagutu Weba sortu zen. 8 urte bete dira jada Uharteko kultur, gazte, hezkuntza eta kirol taldeek beren jarduerak herritar guztiekin partekatzeko topagune izan nahi zuen proiektu hau abian jarri genuenetik. Aldi berean, sareetan @conoce.uharte.ezagutu Facebooka sortu zen, 570 jarraitzaile baino gehiagorekin, eta @UharteEzagutu Twitterra, gure atzetik doazen ia 200 lagunekin.
Denbora horretan, 45 taldek baino gehiagok partekatu dute informazioa, eta 2019an 19 mila bisita baino gehiago izan ditugu webgunean. 2020. urtea, bistakoa denez, ezin da esanguratsua izan datuei dagokienez, Covid19 pandemiagatik herriaren jarduera izugarri jaitsi baita.
Hala ere, ikusi dugu taldeen argitalpena jaitsi egin dela azken urteetan, eta, batez ere, udalaren teknikariak ari zirela informazioa igotzen; informazio hori dagoeneko jasota dago Agendan eta, ia guztia, www.huarte.es webgune instituzionalean. Gauzak horrela, lana bikoizten ari zen eta herriko elkarteentzako gune izateko helburua gutxitzen ari zen, nahiz eta Conoce Uharte Ezagutu webgunearen eta udalaren webgunearen arteko ezberdintasun nagusietako bat izan lehenengoan kolektiboek argitaratzeko aukera izatea eta udalaren webgunean, berriz, ezinezkoa.
Horregatik, urtarrilean eta martxoan urte hauetan gurekin egon diren talde guztiak deitu genituen balantzea egiteko, eta, elkarrekin, proiektuaren jarraipena baloratu. Horretarako, gure proiektuaren osasun-egoera ikusi ahal izateko galdetegi bat prestatu genuen.
Parte-hartzea txikia izan da. Lehenengo hitzordura 20 talde joan ziren, baina formularioa 46 taldeei igorri eta 15 taldek baino ez zuten erantzun. Heren bat, gutxi gorabehera.
Bigarren bilerara 8 talde joan ziren (beste batek barkamena eskatu zuen eta bere infoa posta elektronikoz helarazi zigun).
Oso bilera interesgarria izan zen, eta, datu kuantitatiboak ez ezik, gogoeta bat ere egin zen proiektu horrek maila kualitatiboan duen garrantziari buruz, taldeen jarduera ikusarazteko eta parte-hartze komunitariorako tresna gisa.
Erabaki zen bai formularioaren emaitzekin, bai webgunearen erabilerari buruzko datuekin, gehi bi bileretan hitz egindakoarekin, hemendik aurrera lan egingo dela, kolektiboentzat webgunea erabilgarriagoa izan daitekeen irtenbide teknikoak bilatzeko eta bide desberdinetatik argitaratzerakoan lanak bikoiztea saihesteko, eta, horretan oinarrituta, erabakiak maila politikoan hartu ahal izateko.
Aurretik dugun erronka da webgunea guk nahi dugun bezalakoa izatea: parte hartzeko tresna erabilgarria; gure gizarte-, kultura- eta kirol-bizitzaren erakusleiho; baina kolektiboek eurena dela sentitzea.

You may also like...